Scomìnsio
Brasil Talian. Talian qua al Brasil.
In questo sito, scriveremo in Talian, la lengoa dei dessendenti de italiani del norte de la Itália qua al Brasil, del zeito que gavemo imparà del pupà, dea mama, dei noni, dei bisnoni, dei fradei, dei visigni, e de tute le persone que parlea con noantri el Talian.
La storia, la cultura, la economia, la vita dei taliani qua al Brasil. Nanetto Pipetta, Nino Pipetta, Toni Brusafrati, Bepi, Angelina, Joanin, Maria, Fiorinda, Angelo, ti, mi…
Fròtole e busie de tuti i cantoni del Talian. Talian del Brasil. Talian del Rio Grande do Sul. Talian de Santa Catarina. Talian del Paraná, Mato Grosso, Goiás, São Paulo, Espírito Santo e altre region del Brasil.
Talian Brasil
Vìdeo – invito par el festival de Palma Sola – Fest’Itàlia – http://talian.net.br/vidii/festitalia-2012-palma-sola-sc
Xè proprio vero: quando se ariva nel Brasile Meridionale e se sente parlare una lengua che se conosse, se prova una soddisfassion unica. E ghe diso sempre agli amici: cerchè de conservare el talian, parchè ‘l xè el cordon ombelicale che ve unisse alle vostre origini. Con un grupo de amici “ciclisti”, quasi tuti pensionati, semo stai là in genaro a fare el “Giro Ciclistico na Serra Gaucha”, fasendo tapa a Protasio Alves, Marau, Carazinho, Arvorezinha, Serafina Correa e Monte Belo do Sul (Comune gemellado con el nostro Schiavon). La xè sta un’altra esperiensa indimenticabile, con un altro pieno de nove amicissie.
Grassie e complimenti da … Schiavon (Vicenza – Italia)
I D I O M A
Honório Tonial HT
No gò nessuna stansa
El me viver l’è fecondo
Con rispeto e creansa
Mi giro tuto el mondo.
Mi son la Língua Talian ( Estribilio)
Parlada el geri, incoi e diman
Guido i peregrini
Motivo i amanti
Nasso co i bambini
Sempre vao avanti
In prosa o in verso
Mi me comunico
Drito o raverso,
Gò sempre un dito
La natura la salta
Svelta e multicolor
La core e se rabalta
Da la radisa fin al fior
Mùsica e cansion
Fròtole e povèrbii
Fantasia e orassion
Suspiri sempiterni
Vui dìrvelo suito.
No vui assar par diman
Mi son mai stà perso
Mi son el idiona TALIAN
Ai nostri bravi radialisti
Che i laora sensa guadagnar
Fin de note i go sentisti
Sempre alegri vui omenaiar..
Ma pensa tì, queste i’e le cose che te speri non le finissia mai. Te vè in brasil e te pol parlar tranquilamente che tuti i te capise, i’e quele cose che non te par neanca vere se te le imagini. Spero con tuto el cor che ste tradisioni e ste raìse venete nel mondo no le mora mai, perchè i’è straordinarie…. ma verò a catarve e a ciacolar con voialtri… un saludo da Verona